Það er enn óvíst hvert Viktor Gyokeres fer í sumar, en ítalskir miðlar segja nú að AC Milan sé farið að sýna honum áhuga.

Sænski framherjinn er kominn í stríð við Sporting til að reyna að komast frá félaginu. Er hann allt annað en sáttur við vinnuveitendur sína, þar sem hann taldi sig hafa loforð um að mega fara fyrir 60 milljónir punda í sumar.

Sporting vill hins vegar fá töluvert meira, en klásúla í samningi Gyokeres er upp á 85 milljónir punda. Kappinn neitar að mæta aftur á æfingar portúgalska félagsins vegna stöðu mála.

Arsenal hefur verið talinn líklegasti áfangastaður Gyokeres en Manchester United, með fyrrum stjóra Gyokeres hjá Sporting, Ruben Amorim, við stjórnvölinn hefur einnig mikinn áhuga.

Nú herma fregnir frá Ítalíu að Milan vilji hins vegar nýta sér það að hafa nóg milli handanna eftir sölur sumarsins og freista þess að kaupa Gyokeres.

Félagið seldi Tijani Reijnders til Manchester City fyrir um 46 milljónr punda og Theo Hernadnez er á leið til Al-Hilal fyrir 26 milljónir punda. Þá er Milan að selja Alvaro Morata og Malich Thiaw til Como fyrir samtals 34 milljónir punda.

Veskið er því þykkt í Mílanó og dreymir félagið um að nota peninginn í Gyokeres, sem hefur raðað inn mörkum fyrir Sporting í tvö ár.