Manchester United er að leggja áherslu á það að kaupa þekktar stærðir úr enskum fótbolta þettta sumarið.

Enskir miðlar segja að það hafi verið ein af óskum Ruben Amorim að gera það. Fá leikmenn sem vitað er að ráða við hraðan og kraftinn sem er í deildinni.

United er búið að kaupa Matheus Cunha og er að ganga frá kaupum á Bryan Mbeumo sem báðir hafa staðið sig vel í enska boltanum.

United borgaði 62 milljónir punda fyrir Cunha frá Wolves og mun greiða svipaða upphæð til að fá sóknarmanninn frá Kamerún.

United var í vandræðum upp við mark andstæðingana á síðustu leiktíð en búist er við að liðið kaupi einnig hreinræktaðan framherja í sumar.