Leicester mun reka Ruud van Nistelrooy á næstu dögum samkvæmt The Sun.
Manchester United goðsögnin tók við um mitt tímabil í kjölfar þess að Steve Cooper var rekinn. Liðinu gekk skelfilega undir hans stjórn og skítféll í vor.
Leicester hefur ákveðið að losa hann en bíður með það til næstu mánaðarmóta af fjárhagslegum ástæðum. Er of dýrt að reka tvo stjóra á sömu leiktíðinni.
Leicester leitar nú að næsta stjóra til að taka slaginn með liðinu í ensku B-deildinni. Hefur Sean Dyche til að mynda verið orðaður við liðið.
