Florian Wirtz lendir með einkaflugvél í Liverpool í kvöld en á morgun er stóri dagurinn hjá þessum öfluga þýska landsliðsmanni.
Wirtz mun fara í læknisskoðun hjá Liverpool og skrifa undir fimm ára samning.
Wirtz mun kosta 116 milljónir punda og verður dýrasti leikmaður í sögu enska boltans.
Hann slær metið sem Chelsea setti þegar félagið reif fram 115 milljónir punda fyrir Moises Caicedo.
Wirtz er afar öflugur sóknarsinnaður miðjumaður sem mörg félög vildu fá, hann valdi Liverpool eftir góðan fund með stjóra liðsins, Arne Slot.
