Saksóknari í Brasilíu fer fram á það að kynferðisbrotamáli gegn Dimitri Payet fyrrum leikmanni West Ham og fleiri liða verði vísað frá.

Saksóknari segir að sönnunargögn séu ekki nógu góð og líkur á sakfellingu séu litlar sem engar. Payet hefur spilað með Vasco da Gama í Brasilíu síðustu tvö ár en hann er 38 ára gamall.

Larissa Ferrari lögfræðingur í Brasilíu átti í ástarsambandi við Payet og segir hann hafa brotið hrottalega á sér.

„Ég varð fyrir árásum frá Dimitri Payet og það sá á mér eftir það,“ segir Larissa.

„Ég hef orðið fyrir líkamlegu, andlegu og kynferðislegu ofbeldi af hans hálfu,“ segir konan og er málið komið á borð lögreglu.

„Okkar fyrsta rifrildi var í desember og þá sagðist hann ætla að refsa mér. Hann sagði mér að sanna það að ég elskaði mig, hann lét mig drekka mitt eigið þvag, sleikja gólfið og drekka vatn úr klósettinu.“

„Hann tók þetta allt saman upp, hann ýtti mér og labbaði yfir mig á meðan hann hótaði mér. Ég vil ekkert nema réttlæti, ég er lögfræðingur og kæmi ekki fram með svona ásakanir nema þær væru sannar.“

Payet hefur ekki viljað svara fyrir málið en hann á fjögur börn með fyrrum eiginkonu sinni.