Jadon Sancho kantmaður Manchester United hafnaði því að vera áfram hjá Chelsea því félagið vildi lækka hann í launum.
Sancho var á láni hjá Chelsea sem hafði forkaupsrétt á honum fyrir 25 milljónir punda.
Samkomulag um kaup og kjör náðust hins vegar ekki og snýr Sancho aftur á Old Trafford, United vill hann hins vegar burt.
Ensk blöð segja í dag að þrjú félög í Sádí Arabíu vilji fá Sancho sem er líklega eina leið hans til að halda sama launapakka.
Sancho er með 275 þúsund pund á viku í dag en Al-Hilal, Al-Ittihad og Al-Nassr eru öll sögð hafa áhuga.
