Bruno Fernandes hefur staðfest það að hann sé búinn að hafna sádi arabíska félaginu Al-Hilal.
Þetta segir leikmaðurinn í kvöld en hann hefur mikið verið orðaður við peningana í Sádi undanfarna daga.
,,Forsetinn hringdi í mig en ég hafnaði boðinu,“ sagði Fernandes um það sem átti sér stað.
,,Ég ræddi við Ruben Amorim og hann bað mig um að fara ekki. Manchester United vildi ekki selja mig og þeir þurfa ekki þessa peninga.“
,,Ef ég hefði hins vegar viljað fara þá hefðu þeir gengið að því.“
Fernandes er fyrirliði United og eru það frábærar fréttir fyrir liðið að hann sé ekki á förum fyrir næsta vetur.
