Portúgalska landsliðið mun nota Cristiano Ronaldo svo lengi sem leikmaðurinn sjálfur gefur kost á sér að spila.
Þetta segir markahæsti leikmaður í sögu ensku úrvalsdeildarinnar, Alan Shearer, en Ronaldo er fertugur og spilar sinn leik í Sádi Arabíu.
Ronaldo verður líklega með Portúgal á HM 2026 á næsta ári og þá sérstaklega ef hann kýs að spila þar sjálfur.
Shearer segir að það séu engar líkur á að Portúgal velji ekki Ronaldo í leikmannahópinn svo lengi sem hann sé opinn fyrir því að taka þátt.
,,Augljóslega er hann ekki jafn góður og hann var en það væri ómögulegt á þessum aldri en einhvern veginn er hann enn að raða inn mörkum,“ sagði Shearer.
,,Ég hef ekki hugmynd um hvað er í gangi hjá honum í dag en hann er enn að spila fyrir Portúgal og þeir munu aldrei hafna honum. Hann þarf að hætta sjálfur.“
