Pep Lijnders, fyrrum aðstoðarmaður Jurgen Klopp hjá Liverpool, gæti komið inn í teymi Pep Guardiola hjá Manchester City á næstu leiktíð.
Lijnders hætti hjá Liverpool á sama tíma og Klopp og tók við sem stjóri Red Bull Salzburg í Austurríki. Þar gekk hins vegar ekki nógu vel og var hann rekinn í desember.
Nú gæti Lijnders tekið að sér starf sem aðstoðarmaður á ný en er samt ekki sá eini á blaði, heldur er Kolo Toure það einnig.
Þessi fyrrum varnarmaður City, sem og Arsenal og Liverpool, hefur áður stýrt Wigan sem aðalþjálfari.
