Chelsea vann 4-1 sigur á Real Betis í úrslitaleik Sambandsdeildarinnar í kvöld þar sem liðið átti frábæra endurkomu í síðari hálfleik.

Real Betis komst yfir í fyrri hálfleik og staðan var 1-0 í hálfleik fyrir þá spænsku.

Chelsea setti hins vegar í gírinn og Cole Palmer lagði upp fyrstu tvö mörkin í þeim síðari fyrir Enzo Fernandez og Nicolas Jackson.

Varamaðurinn, Jadon Sancho bætti svo við þriðja markinu og minnti á ágæti sitt.

Það var svo Moises Caicedo sem rak síðasta naglann í kistu Betis og 4-1 sigur Chelsea staðreynd.

Chelsea hefur þar með klárað Evrópu en liðið hefur unnið Meistaradeildina, Evrópudeildina og nú Sambandsdeildina.