Ashlyn Castro, áhrifavaldur og kærasta knattspyrnustjörnunnar Jude Bellingham hjá Real Madrid, hefur opnað sig um falskar sögusagnir um sjálfa sig undanfarið.
Í kjölfar þess að samband þeirra var opinberað fóru af stað sögur um að Castro hefði áður verið í sambandi með fjölda karlmanna í heimi ríka og fræga fólksins. Var hún einnig ranglega sökuð um að hafa átt aðgang á fullorðinssíðu, svo dæmi séu nefnd.
„Ég veit ekki einu sinni hvar ég á að byrja. Mér finnst mjög óþægilegt að tala um mitt einkalíf fyrir framan myndavél og hef ekki gert það oft,“ segir Castro í upphafi myndbands síns á TikTok.
„Þetta hefur verið eins slæmt og þið getið ímyndað ykkur. Fólk hefur ráðist á mig, áreitt mig og sýnt mikla vanvirðingu. Þetta hefur verið allt of mikið. Við getum talað um sambönd mín. Ég hef átt þrjá kærasta á átta árum. Mitt fyrsta samband var árið 2017 með þekktum manni og því var fjallað um það og hlutir búnir til,“ segir Castro enn fremur og viðurkennir að hún hafi átt erfitt með að taka upp myndbandið.
„Ég titra því mig langar ekki að tala um þetta á internetinu. Þetta er svo persónulegt, alvöru líf mitt. Ég ætti ekki að þurfa að ræða þetta en framvegis mun ég tala um mikilvæga hluti, eins og andlega líðan mína.“
Jude Bellingham 's girlfriend Ashlyn Castro has come out on tiktok to address the false rumours and hate she has gotten the past weeks ever since she started pushing out with Jude Bellingham. Fan girls are sick in the head. This girl is so sweet pic.twitter.com/mcbPrLMB7V
— Meghan (@GahMeghan) March 10, 2025
