FH skilur eftir flesta af sínum bestu leikmönnum þegar liðið mætir Þór í Lengjubikarnum í kvöld. Davíð Þór Viðarsson yfirmaður knattspyrnumála hjá FH segir mikið álag undanfarið vera ástæðu þess.

Leikurinn fer fram í Boganum klukkan 19:00 í kvöld en FH kom heim úr æfingaferð sinni á laugardag. Þar lék liðið tvo leiki gegn norskum úrvalsdeildarliðum.

ÍR situr á toppnum í riðlinum en með sigri Þórs fer liðið upp í efsta sætið og þar með áfram í undanúrslit. Sigurvegari liðsins mætir Val í undanúrslitum.

„Við erum að skilja eftir nokkuð marga heima, upphaflega áttum við að spila gegn Vålerenga og Rosenborg í æfingaferðinni. Svo datt leikurinn við Rosenborg út og við spiluðum því við Víking rétt áður en fórum út,“ sagði Davíð við 433.is. en svo breyttist planið.

FH kom heim úr æfingaferð sinni á laugardag. „Svo bættist Rosenborg leikurinn aftur inn, við tókum ákvörðun að spila þann leik. Þeir sem hafa spilað mest í þessum þremur leikjum verða eftir heima í dag.“

Á síðasta ári lenti Þór í svona leikjum og þá báru þjálfarar liðanna fyrir sér að aðstæður í Boganum væru ekki þeim að skapi, það er ekki ástæðan núna. „Boginn hefur ekkert með þetta að gera,“ sagði Davíð.