Landsliðsfyrirliðinn Jóhann Berg Guðmundsson var í ítarlegu viðtali í nýjasta þætti Íþróttavikunnar á 433.is. Þar var farið um víðan völl.

Það var meðal annars rætt um ráðningu á Arnari Gunnlaugssyni í starf landsliðsþjálfara á dögunum. Tók hann við af Age Hareide.

„Það leggst mjög vel í mig. Það verður gaman að sjá hvað hann kemur með að borðinu, er auðvitað búinn að gera frábæra hluti með Víking. Það var gaman að sjá hvernig hann reif klúbbinn upp. Vonandi getur hann gert svipaða hluti fyrir landsliðið þó þetta sé allt annað gigg sem hann er að fara inn í. Það er mikil tilhlökkun í hópnum að fá hann inn,“ sagði Jóhann.

„Hann er með mörg kerfi sem hann spilar. Við þurfum örugglega að læra mikið nýtt til að byrja með. Það eru ekki margir leikmenn sem hafa verið að spila þessi kerfi sem hann er að spila. Við þurfum bara að vera fljótir að venjast því sem hann vill að við gerum,“ sagði Jóhann, sem er spenntur fyrir framtíð landsliðsins.

Nánari umræða er í spilaranum.