Víkingur R. mætir gríska liðinu Panathinaikos í umspili Sambandsdeildar Evrópu fimmtudaginn 13. febrúar klukkan 17:45. Leikurinn fer fram í Bolt Arena í Helsinki. Seinni viðureign liðanna fer fram í Grikklandi fimmtudaginn 20. febrúar.
Um er að ræða stærsta leik í sögunni hjá íslensku félagsliði í fótbolta en framganga Víkings hefur verið mögnuð í þessari keppni.
Víkingur R. endaði í 19. sæti deildarkeppninnar með 8 stig en Panathinaikos endaði í 13. sæti með 10 stig.
Sigurvegari einvígisins tryggir sér sæti í 16 liða úrslitum og mætir þar annaðhvort Fiorentina eða SK Rapid.
