Eden Hazard, fyrrum leikmaður Real Madrid og Chelsea, skemmti sér ekki mikið á æfingum undir Antonio Conte og Maurizio Sarri sem þjálfuðu eitt sinn það síðarnefnda.

Það er Hazard sjálfur sem segir frá en hann hefur í dag lagt skóna á hilluna eftir misheppnaða dvöl hjá Real Madrid.

Hazard segir að Conte og Sarri hafi verið mjög ‘ítalskir’ í sinni nálgun á æfingum og að það hafi hentað honum afskaplega illa.

,,Hjá Real Madrid vorum við alltaf með boltann, við æfðum með bolta í nánast hvert einasta skipti,“ sagði Hazard.

,,Það voru svo tveir, Conte og Sarri, æfingarnar hjá þeim voru svo leiðinlegar. Það er ekki hægt að bera þetta saman.“

,,Ég var hrifinn af æfingum Zinedine Zidane hjá Real Madrid og ég skildi þær betur. Ég er auðvitað mikill aðdáandi hans og það gæti hafa spilað inn í!“