Ole Gunnar Solskjær, fyrrum stjóri Manchester United og nú stjóri Besiktas, vill ólmur sækja Casemiro frá Rauðu djöflunum til Tyrklands.
Spænska blaðið AS segir frá þessu, en Solskjær tók við Besiktas á dögunum. Hefur hann beðið forráðamenn félagsins um að sækja Casemiro samkvæmt þessum fréttum.
Casemiro gekk í raðir United frá Real Madrid 2022 á 70 milljónir punda og byrjaði vel. Hann hefur hins vegar lítið getað undanfarin ár.
Brasilíski miðjumaðurinn er aftarlega í goggunarröðinni hjá Ruben Amorim á Old Trafford og er orðaður við brottför. Hefur Sádi-Arabía verði nefnd í samhengi við framtíð Casemiro.
Svo gæti hins vegar farið að Casemiro, sem er með samning hjá United út næstu leiktíð, endi hjá Solskjær í Besiktas.
