Manchester City 3 – 1 Chelsea
0-1 Noni Madueke(‘3)
1-1 Josko Gvardiol(’42)
2-1 Erling Haaland(’68)
3-1 Phil Foden(’88)
Manchester City vann virkilega sterkan sigur á Chelsea í ensku úrvalsdeildinni í kvöld en leikið var á Etihad vellinum.
Chelsea byrjaði mjög vel í þessum leik og komst yfir eftir aðeins þrjár mínútur eftir mistök í vörn heimamanna.
Stuttu áður en flautað var til leiksloka jafnaði Josko Gvardiol metin fyrir City með fínu marki og staðan 1-1 í hálfleik.
City skoraði svo tvö mörk í seinni hálfleiknum til að tryggja sigur en þau mörk skoruðu Erling Haaland og Phil Foden.
Haaland nýtti sér mjög slæm mistök Robert Sanchez í markinu og lagði svo upp það seinna á Foden eftir skyndisókn.
Chelsea er komið í sjötta sætið eftir tapið og er City komið í það fjórða og er með 41 stig eftir 23 leiki.
