The Athletic segir frá því að Newcastle sé byrjað að ræða við Anthony Gordon um nýjan og betri samning. Félagið vill reyna að slökkva í áhuga Liverpool.

Liverpool hefur sýnt Gordon mikinn áhuga í sumar og um tíma var talið að hann væri nálægt því að fara til félagsins.

Newcastle vill hins vegar halda í Gordon eftir að félagið kom sér í gegnum FFP kerfið.

„Hann er svo mikilvægur leikmaður,“ segir Eddie Howe stjóri Newcastle um stöðuna.

„Við viljum ekki missa okkar besta leikmann, við höfum reynt að gera allt til að taka réttar ákvarðanir. Þetta var erfitt tímabil til 30 júní vegna þess regluverks sem við urðum að komast í gengum.“

Gordon kom til Newcastle fyrir einu og hálfi ár frá Everton en hann getur nú fengið veglega launahækkun ef hann er til í að framlengja dvöl sína.