Frakkland og Spánn mætast í undanúrslitum EM í kvöld og ætlar Didier Deschamps, þjálfari fyrrnefnda liðsins, að taka stóra ákvörðun í liðsvali.

Þetta er fullyrt í franska fjölmiðlinum L’Equipe en þar kemur fram að Antoine Griezmann verði skellt á bekkinn.

Deschamps hefur sýnt hinum 33 ára gamla Griezmann traustið á mótinu en ætlar sér nú í varnarsinnaðra upplegg. Það þýðir að sóknarmaðurinn fer á bekkinn.

Frakkar hafa ekki enn skorað úr opnum leik, fyrir utan sjálfsmörk, á mótinu á meðan Spánn hefur verið hvað skemmtilegasta liðið.

Sigurvegari kvöldsins mætir Englandi eða Hollandi í úrslitaleik mótsins.