Mason Greenwood heldur sér í standi í sumarfríinu en hann æfir ekki með öðrum leikmönnum Manchester United.
Allar líkur eru á að Greenwood sé á förum frá United í sumar en hann lék með Getafe á láni á síðustu leiktíð.
Greenwood sást á æfingu í Manchester í gær en æfði þar einn ásamt fyrrum liðsfélaga sínum Shola Shoretire.
Shoretire er 20 ára gamall og þekkjast þeir vel en samningur hans við United rann út á dögunum og er hann án félags.
Undirbúningstímabil United fer að hefjast en fyrsti æfingaleikurinn er gegn Rangers þann 20. júlí næstkomandi.