Kevin de Bruyne var pirraður á blaðamanni á fréttamannafundi í kjölfar taps Belga gegn Frökkum í 16-liða úrslitum EM í gær.
Belgar töpuðu leiknum 1-0 og eru þar með úr leik. Mikið hefur verið rætt um svokallaða gullkynslóð Belga sem nú er að syngja sitt síðasta.
De Bruyne er hluti af þeirri kynslóð og eftir leik var hann spurður að því hvort það væru ekki vonbrigði að þessi gullkynslóð hefði aldrei komist í úrslitaleik á stórmóti.
„Hvað er gullkynslóð?“ spurði De Bruyne á móti.
„Þið!“ svaraði blaðamaðurinn.
„Við? Og hafa Frakkar, Englendingar, Spánverjar og Þjóðverjar ekki verið með gullkynslóðir? Allt í lagi,“ sagði De Bruyne.
„Heimskur,“ bætti hann við er hann gekk í burtu.
Hér að neðan er myndband af þessu.
"Stupid": Kevin De Bruyne angry after a question about his "golden generation" who didn't win anything #belgium #frabel #euro2024 pic.twitter.com/7z7bOzsbh1
— JS Grond-Tran (@JS_Grond) July 1, 2024
