Erik ten Hag, stjóri Manchester United, var alls ekki ánægður með sína menn eftir leik gegn Rosenborg á mánudag.
Um var að ræða vináttuleik en þeir norsku höfðu betur með einu marki gegn engu eftir sigurmark undir lokin.
United er að byrja sitt undirbúningstímabil og gat ekki stillt upp sínu besta liði í viðureigninni.
Það voru þó fínustu leikmenn sem fengu mínútur og má nefna Jonny Evans, Casemiro, Marcus Rashford og Mason Mount.
,,Frammistaða okkar sem lið var langt frá því að vera ásættanleg,“ sagði Ten Hag í samtali við MUTV.
,,Þetta er ekki toppfótbolti. Við getum ekki verið í leikformi á þessum tímapunkti, þeir eru í mun betra standi en við en við erum Manchester United og verðum að gera betur.“
