Spjótin hafa beinst að argentíska landsliðinu frá því myndband af leikmönnum þess syngja níðsöngva um franska landsliðið birtist á samfélagsmiðlum.
Liðið var að fagna sigri á Copa America þegar Enzo Fernandez, leikmaður Chelsea, reif upp símann og tók sig og aðra leikmenn Argentínu upp syngja lag með texta sem er vægast sagt niðrandi í garð Frakka sem eru dökkir á hörund.
„Þeir spila fyrir Frakkland en foreldrar þeirra eru frá Angóla, mamma þeirrra er frá Kamerún og pabbi þeirra frá Nígeríu. Vegabréfið segir samt að þeir séu franskir.“
Einhvern veginn svona hljóðaði textinn í laginu sem Argentínumenn sungu í fögnuði sínum.
„They play for France, but their parents are from Angola. Their mother is from Cameroon, while their father is from Nigeria. But their passport says French“
Why would Enzo Fernandes make this racist chants yet France were not in the Copa America? pic.twitter.com/rEBr50tndH
— New Sheriff⚓ (@NewsheriffUtd) July 16, 2024
Franska knattspyrnusambandið fordæmdi þetta harðlega og staðfesti að það myndi leggja inn kvörtun til FIFA vegna málsins. Fjöldi franska leikmanna gagnrýndi argentísku leikmennina þá harðlega.
Fernandez hefur nú sjálfur gefið út yfirlýsingu.
„Ég vil biðjast innilegrar afsökunar á myndbandinu sem ég birti á Instagram frá fögnuðinum. Lagið inniheldur mjög niðrandi texta og það er ekki hægt að afsaka hann. Ég fordæmi alla mismunun og biðst afsökunar á að hafa tapað mér í fögnuðinum,“ skrifaði hann.
Chelsea hefur sömuleiðis gefið út yfirlýsingu og fordæmt sönginn.
