Uppákoma á leik Vals og albanska liðsins Vllaznia í 1. umferð undankeppni Sambandseildar Evrópu í gær er á borði KSÍ og UEFA auk lögreglunnar og Interpol. Vísir fjallar um málið.

Leiknum í gær lauk 2-2. Albanirnir voru allt annað en sáttir með uppbótartímann í leiknum en á níundu mínútu hans jafnaði Valur. Það er því allt jafnt fyrir seinni leik liðanna ytra.

Meira
Sláandi uppákoma að Hlíðarenda náðist á myndband – Líflátshótanir og lögregla kölluð til

Stuðningsmenn, starfsfólk og háttsettir einstaklingar Vllaznia létu öllum illum látum á leiknum. Það var hrækt á dómara, hann sleginn, öryggisvörður kýldur og hvað eina. Þá var stuðningsmönnum, stjórnarmönnum, leikmönnum og öðrum sem tengjast Val hótað. Stuðningsmaður sem vill ekki láta nafn síns getið segir til að mynda við Vísi að stuðnignsmaður albanska liðsins hafi hótað því að skera úr honum augun.

Jörundur Áki Sveinsson, starfandi framkvæmdastjóri KSÍ, staðfesti við Vísi að málið væri á borði sambandsins og virkt samtal væri milli KSÍ og UEFA. UEFA er með málið til skoðunar og er sambandið á viðvörunarstigi (e. highest alert) vegna málsins.

Í fréttinni kemur einnig fram að seinni leikur liðanna úti í Albaníu gæti verið í hættu vegna hegðunnar stuðningsmanna Vllaznia hér á landi.