Donny van de Beek er loks að losna frá Manchester United. Hann er á leið til Girona á Spáni.
Hollenski miðjumaðurinn gekk í raðir United 2020 frá Ajax en það er óhætt að segja að ekkert hafi gengið upp hjá honum á Old Trafford.
Undanfarin ár hefur Van de Beek tvisvar verið lánaður, fyrst til Everton og svo til Frankfurt nú á síðustu leiktíð. Nú yfirgefur hann United endanlega.
Girona greiðir aðeins 500 þúsund evrur fyrir Van de Beek en verðið getur hækkað duglega. Raunhæf ákvæði í samkomulagi milli Girona og United hækkar upphæðina í 4-5 milljónir evra en í heild gæti upphæðin endað í um 15 milljónum evra.
Van de Beek mun skrifa undir fjögurra ára samning við Girona, sem átti stórkostlegt tímabil og hafnaði í þriðja sæti La Liga.
🚨 Donny van de Beek to Girona, here we go! Deal in place with Man United, permanent move for €500k fixed fee plus several add-ons.
Easy add-ons to bring fee up to €4/5m plus extra add-ons can make it €15m.
Contract until June 2028. #MUFC will also have sell-on clause. pic.twitter.com/I7clpofVNa
— Fabrizio Romano (@FabrizioRomano) July 10, 2024
