Ronnie Stam fyrrum leikmaður Wigan hefur verið handtekinn ásamt fjölskyldu sinni og er hann grunaður um að tengjast innflutningi á eiturlyfjum.
Stam var hluti af liði Wigan sem vann enska bikarinn árið 2013 en hann lék í þrjú ár hjá félaginu.
Stam var keyptur frá Twente árið 2010 en hann lék tæplega 80 leiki fyrir Wigan.
Hollenska lögreglan handtók hann í gær en unnusta hans og foreldrar voru einnig handtekinn og eru talin tengjast málinu.
Bróðir hans var handtekinn í fyrra grunaður um stórfelldan innflutning á kókaíni.
