Julian Alvarez, sóknarmaður Manchester City, vill hvorki játa né neita því að hann sé á förum frá félaginu í sumar.
Argentínumaðurinn hefur verið orðaður við brottför undanfarið. Erfitt hefur verið fyrir hann að festa sig í sessi í liði City, sérstaklega þar sem þar er einnig Erling Braut Haaland.
Nýlegasti orðrómurinn um Alvarez er að hann gæti farið til Chelsea.
„Það er mikið sagt en ég er rólegur. Mér líður vel hjá City. Við sjáum hvað setur,“ segir Alvarez um stöðu mála.