Barcelona hefur tekið ákvörðun um að reka stjóra sinn Xavi sem var opinn fyrir því að halda áfram með liðið.

Xavi tók ákvörðun fyrr í vetur um að hætta en dró þá ákvörðun síðar til baka en það var svo of seint.

Xavi er goðsögn Barcelona sem er í miklum fjárhagsvandræðum en hann vill ekki að félagið borgi upp samning sinn.

Spánverjinn á inni um 12 milljónir evra hjá Barcelona en hann hefur samþykkt að ganga launalaus frá borði.

Xavi beimtar þó að Barcelona borgi starfsfólki sínu öll þau laun sem þau eiga inni en átta menn voru í hans starfsteymi á Nou Camp.

Allir starfsmennirnir eru með samning til 2025 og eru allar líkur á að Barcelona geri upp við þá ágætu menn í sumar.