Jóhann Már Helgason, sparkspekingur með meiru, var gestur í nýjasta þætti af Íþróttavikunni á 433.is. Helgi Fannar Sigurðsson og Hrafnkell Freyr Ágústsson hafa umsjón með þættinum.
Vincent Kompany er óvænt að taka við sem stjóri Bayern Munchen en hann yfirgefur Burnley. Undir hans stjórn fór Burnley upp í ensku úrvalsdeildinni í fyrra en féll strax aftur í ár.
„Þetta var svolítið eins og þruma úr heiðskíru lofti,“ sagði Helgi um málið.
Bayern hefur lítið gengið að finna stjóra til að taka við af Thomas Tuchel.
„Það hefur náttúrulega verið átakanlegt að fylgjast með þjálfaraleit Bayern Munchen. Þetta minnir á KR síðasta haust. Bayern Munchen er eitt flottasta fótbolta „brand“ í heimi en það er eitthvað súr stemning þarna. Þjálfari eftir þjálfara segir nei takk,“ segir Jóhann.
„Kannski eru þeir bara að horfa á Burnley í Championship, þar sem þeir voru langbestir. Þeir eru að klipa þetta Premier League tímabil út.“
