Það eru engar líkur á því að Manchester United muni selja Scott McTominay í kjölfar þess að Sir Jim Ratcliffe og INEOS tóku við fótboltahlið félagsins. Breski miðillinn Daily Star segir frá þessu.
McTominay var fyrr á leiktíðinni orðaður frá United en hann hefur heillað Ratcliffe mikið á þessari leiktíð og fer ekki fet. Gæti hann frekar fengið nýjan samning og væna launahækkun.
Skoski miðjumaðurinn er með sjö mörk á leiktíðinni og markahæsti leikmaður United ásamt Rasmus Hojlund.
Ratcliffe sér McTominay sem mikilvægan hluta af framtíð United og því ljóst að hann fer ekki fet.
Núgildandi samningur hans rennur út eftir næstu leiktíð.
