Fimlegur varnarleikur Arsenal bar árangur þegar liðið heimsótti Englands og Evrópumeistara Manchester City á Ethiad völlinn nú síðdegis. Leikurinn endaði 0-0.
Ljóst var snemma leiks að Arsenal ætlaði að sitja til baka og reyna að sækja hratt.
Hvorugt liðið fékk mikið af færum í leiknum en Manchester City var rúmlega 70 prósent með boltann án þess að nýta það.
Arsenal varðist á nánast öllu liðinu sínu en liðið hefur nú misst toppsætið eftir þetta markalausa jafntefli.
Þegar níu umferðir eru eftir er Liverpool með 67 stig, Arsenal tveimur stigum minna og City er þremur stigum á eftir Liverpool.
