Arsenal ætlar að berjast við Chelsea um þjónustu framherjans Evan Ferguson sem leikur með Brighton.

Frá þessu greinir Football Insider en um er að ræða 19 ára gamlan sóknarmann sem er gríðarlega efnilegur.

Chelsea hefur fylgst með Ferguson í dágóðan tíma og er líklegt að liðið leggi fram tilboð í sumar.

Arsenal er einnig með augastað á leikmanninum ef liðinu mistekst að fá Ivan Toney frá Brentford.

Toney er að öllum líkindum á förum frá Brentford í sumar en Ferguson gæti mögulega hentað leikstíl Arsenal betur.

Ferguson myndi kosta allt að 100 milljónir punda á meðan Toney væri fáanlegur í kringum 60 til 70 milljónir.