Trent Alexander-Arnold, leikmaður Liverpool, er áhyggjufullur þessa dagana og hefur ráðið inn auka öryggisgæslu fyrir heimili sitt.
Enskir miðlar fjalla um málið en þar er sagt frá því að kynlífsfíkill sé reglulega að reyna að ná athygli enska landsliðsmannsins.
Þessi aðili hefur njósnað um Trent í meira en ár og er bakvörðurinn orðinn skelkaður og óttast eigið öryggi.
Trent er búinn að bæta við myndavélum fyrir utan heimili sitt og hefur einnig breytt símanúmeri sínu.
,,Þetta hefur verið helvíti fyrir Trent í meira en ár,“ er haft eftir góðvini Trent sem ræddi við the Sun.
,,Þessi kona hefur áreitt hann og hans fjölskyldu með óviðeigandi skilaboðum. Hún fann símanúmerið hans og hefur ekki hætt að hringja eða senda klámfengin bréf stimpluð á hans heimili.“
,,Hann er mjög áhyggjufullur en hefur gert sitt allra besta til að láta það ekki hafa áhrif á frammistöðuna með Liverpool.“
