Ríkharð Óskar Guðnason, íþróttafréttamaður segir að þeir sem talað hafa um lélegan móral og að starf Arnars Grétarssonar væri í hættu ættu að halda kjafti í dag.

Arnar er á leið inn í sitt annað tímabil með Val en liðið hefur farið af stað með látum í Lengjubikarnum.

Valur vann 7-1 sigur á ÍBV í Lengjubikarnum um helgina og ræddi Ríkharð þetta í Þungavigtinni í gær.

„Valur tók á móti ÍBV í Egilshöll, Valsmenn unnu 7-1. Eru með 11-1 markatölu eftir tvo leiki en einhverjir þvaðrar á Facebook síðum að spyrja hvort Arnar Grétarsson verði rekinn fyrir mót og allt sé í skrúfunni þarna.“ segir Ríkharð.

„Þessir menn ræða ekki mikið saman núna, þeir eiga bara að halda kjafti.“

Mikael Nikulásson þjálfari KFA tók þá til máls og segir Val til alls líklega. „Þeir eru bara komnir með Jónatan Inga sem er á sínum degi einn besti leikmaður í deildinni, Jóntan og Tryggvi Hrafn skora báðir tvö og Aron Jó að spila vel.“