L’Equipe í Frakklandi hefur greint frá í raun ótrúlegu atviki sem átti sér stað á lokadegi félagaskiptagluggans í janúar.

Þar er fjallað um bakvörðinn Jonathan Clauss sem hefur spilað lykilhluverk í Marseille undanfarin tvö ár.

L’Equipe segir að Marseille hafi reynt að selja Clauss á lokadeginum því hann sé of hávær í kaffistofunni og að það fari í taugarnar á mjög mörgum liðsfélögum hans.

Clauss neitaði þó sjálfur að fara og er enn leikmaður Marseille í dag og mun spila stórt hlutverk út tímabilið.

Manchester United og Chelsea hafa áður sýnt Frakkanum áhuga sem á að baki 10 landsleiki fyrir þjóð sína.

Clauss hefur áður komist í vandræði hjá Marseille og var ekki vinsæll eftir komu frá Lens árið 2022.