Árið 2024 var gert upp í Íþróttavikunni á 433.is á dögunum. Þá mættu Ríkharð Óskar Guðnason og Kristján Óli Sigurðsson í settið til Helga Fannars og Harðar Snævars.
Það var farið yfir allt milli himins og jarðar og þar á meðal Ballon d’Or verðlaunin sem eru veitt besta leikmanni heims á hverju ári.
Rodri vann verðlauin verðskuldað í ár en það var Vinicius Jr, leikmaður Real Madrid, ekki sáttur við. Hann vildi verðlaunin og sniðgengu hann og félag hans verðlaunahátíðina.
„Þetta er bara skuespil, alveg fáránlegt. Ef hann nær að þroskast þá mun hann hugsa um það eftir 10-15 ár hvað hann var að spá. Að Real Madrid hafi tekið þátt í þessu gerir þetta verra,“ sagði Ríkharð um málið.
Allir í setti voru sammála um að Rodri, sem varð Englandsmeistari með Manchester City og Evrópumeistari með spænska landsiðinu svo eitthvað sé nefnt, hafi átt verðlaunin skilið.
„Þetta var gott á þennan Vinicius og ég vona að hann vinni aldrei þessi verðlaun,“ sagði Kristján ómyrkur í máli.
