Samuel Wooods var fyrstur á vettvang þegar Michail Antonio framherji West Ham klessukeyrði Ferrari bifreið sína um helgina, ótrúlegt er að hann hafi sloppið lifandi.

Antonio fótbrotnaði alvarlega og er líklega fótboltaferill hans á enda. Talið er hið minnsta öruggt að hann verði frá í heilt ár.

Antonio var að keyra í Essex hverfinu fyrir utan London þegar hann klessti á tré.

„Ég heilsaði honum til að reyna að sjá hvort einhver væri á lífi, ég heyrði í sírenum og sagði honum að hjálp væri á leiðinni,“ segir Woods um málið.

„Hann var áttavilltur og sagði ´Hvar er ég? Hvað gerðist? Í hvaða bíl er ég?’,“ segir Woods að Antonio hafi sagt.

„Sjúkrafluttningamenn voru fljótir á staðinn en ég þekkti ekki Antonio. Ég horfði bara á hann og hugsaði með mér að þetta væri mjög alvarlegt.“

„Ég sagði honum að hann hefði lent í slysi en hann svaraði ekki. Hann horfði í kringum sig og reyndi að átta sig á málinu.“