Uppistandarinn Jakob Birgisson var gestur Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.
Danska úrvaldsdeildarfélagið Lyngby réði á dögunum Vigfús Arnar Jósefsson í starf við það að fylgjast með leikmönnum hér á landi fyrir félagið. Vigfús var síðast aðstoðarþjálfari KR og þar áður þjálfari Leiknis.
„Lyngby eru mögulega þreyttir á því að FCK og Midtjylland taki alla bestu Íslendingana. Þeir eru með sína tengingu hingað og Freysi var að þjálfa liðið. Þeir hafa verið með puttann á púlsinum á markaðnum hér heima og þetta er bara klókt hjá þeim,“ sagði Hrafnkell en auk þess sem Freyr Alexandersson stýrði liðinu hafa þó nokkrir Íslendingar spilað með því. Sævar Atli Magnússon er þá nú á mála hjá Lyngby.
„Þú þarft líka að geta sótt leikmenn á viðráðanlegu verði. Þetta er ágætis markaður, ef þú færð leikmann á fínu verði og getur selt hann aftur á galnar fjárhæðir,“ sagði Jakob um málið.
Umræðan í heild er í spilaranum.
