Casemiro, leikmaður Manchester United, hefur staðfest það að hann hafi gefið frá sér medalíuna eftir að hafa unnið FA bikarinn með liðinu.

Tyrell Malacia, liðsfélagi Casemiro, fékk medalíu Brasilíumannsins eftir sigur á Manchester City í bikarnum á síðustu leiktíð.

Malacia hefur verið að glíma við erfið meiðsli í langan tíma en er nú loksins að snúa til baka og er mættur á völlinn eftir langa fjarveru.

,,Ég vissi ekki að Malacia hefði talað um þetta mál en já það er sannleikurinn. Ég gaf honum medalíuna,“ sagði Casemiro.

,,Hann hafði ekki spilað einn einasta leik á tímabilinu og vildi ekki koma og fagna með liðnu. Það var engin medalía fyrir hann svo ég lét hann fá mína.“

,,Hann er hluti af liðinu og við treystum á hann. Jafnvel þó hann hafi ekki spilað mikið þá elskum við hann, við þurfum á honum að halda.“