Pep Guardiola stjóri Manchester City segir að meiðsli lykilmanna séu ástæða þess að ekki hefur gengið vel undanfarið.

City hefur verið á mjög vondum stað undanfarnar vikur en lykilmenn eru fjarverandi.

Það verður áfram þannig þegar City heimsækir Anfield um helgina en Liverpool getur náð ellefu stiga forskoti á City með sigri.

„Hópurinn er mjög góður en við erum ekki með hópinn okkar, þetta er ekki bara Rodri. Við veðrum að byggja upp en erum ekki með leikmenn. Við spilum í sex vikur án fjögurra miðvarða og tveggja miðjumanna. Það er ekki hægt,“ segir Guardiola.

„Þetta er erfitt, við vinnum með þá leikmenn sem við höfum. Skref fyrir skref þá koma menn til baka, vonandi er ekki langt í það.“

„Þetta snýst um að vinna leiki, þegar við vorum að vinna allt þá spiluðum við ekki alltaf vel en unnum leiki.“