Átta stiga forskot Liverpool á toppi ensku úrvalsdeildarinnar skiptir litlu sem engu máli á þessum tímapunkti.
Þetta segir Sergio Aguero, fyrrum sóknarmaður Manchester City, en hann þekkir það vel að berjast í sterkustu deild heims.
City er átta stigum frá toppnum fyrir næsta leik sinn sem er einmitt gegn Liverpool á Anfield.
,,Sparkspekingar eru alltaf fljótir í að ákveða hvernig kapphlaupið fer og mitt svar er alltaf það sama: þetta er ekki búið fyrr en þetta er búið,“ sagði Aguero.
,,Þessi átta stig gætu skipt engu máli þegar tímabilinu lýkur. Við höfum margoft séð það gerast í gegnum tíðina.“
,,Tímabilið 2011-2012 þá vorum við átta stigum á eftir Manchester United en við unnum bikarinn.“
