Ruben Amorim stjóri Manchester United bannaði Leny Yoro að spila með varaliði félagsins í vikunni eins og planið var.

Franski varnarmaðurinn braut bein í fæti sínum í æfingaleik gegn Arsenal í sumar.

United borgaði 52 milljónir punda fyrir varnarmanninn sem á efitr að spila sinn fyrsta alvöru leik fyrir félagið.

Yoro átti að byrja í æfingaleik varaliðsins í miðri viku en Amorim vildi ekki að það yrði gert.

Amorim vill að Yoro æfi með aðalliðinu svo hann geti verið til taks gegn Ipswich á sunnudag.

Amorim er að undirbúa liðið fyrir sinn fyrsta leik en liðið hefur æft undir hans stjórn frá því á mánudag.