Heimir Hallgrímsson og hans menn í Írlandi unnu góðan heimasigur í kvöld en spilað var í Þjóðadeildinni.

Írland fékk Finnland í heimsókn í B deildinni þar sem eitt mark var skorað.

Evan Ferguson, framherji Brighton, sá um að tryggja Írum sigur og var þetta annar sigur liðsins af fimm hingað til.

Báðir sigrar Írlands hafa verið gegn Finnum en fyrri leiknum lauk með 2-1 sigri á útivelli.

Einnig í B deildinni spilaði England við Grikkland og hafði betur mjög sannfærandi 3-0 á útivelli.

Belgía tapaði 1-0 heima gegn Ítalíu í A deild og þá gerðu Frakkland og Ísrael óvænt markalaust jafntefli í París.