Magnús Þór Jónsson, formaður kennarasamands Íslands gefur lítið fyrir þá gagnrýni að hann hafi farið til Englands um helgina til að skella sér á leik í enska boltanum. Magnús er einn þekktasti stuðningsmaður Liverpool hér á landi og sá sína menn vinna góðan 2-0 sigur á Aston Villa.

Verkfall hefur verið í nokkrum skólum og leikskólum síðustu vikur, hafa foreldrar margir sett út á það hvernig verkfallið er og því verið haldið á lofti að börnum sé mismunað. Aðeins nokkrar skólar taka þátt í þessum aðgerðum KÍ þessa stundina.

Í hópnum Leikskólaverkfall var það Aron Ferrua Teitsson sem vakti athygli á þessu, Aron á barn í leikskóla og hefur á Facebook nokkuð mikið tjá sig um verkfallið sem er í gangi.

„Greinilega mjög mikilvægt fyrir hann að geta kúplað sig frá verkfallinu og mætt endurnærður með ferskar hugmyndir frá Bretlandi,“ skrifar Aron í hópinn og nokkrir hafa tekið undir orð hans um að þetta sé furðuleg tímasetning formanns KÍ þegar verkfall er í gangi og kjaraviðræður eru í fullum gangi,“ skrifar Aron en færsla hans er hér að neðan.

Í samtali við DV.is gefur Magnús lítið fyrir þessa gagnrýni „Í minni vinnu er það nú satt að segja þannig að hún miðast hreint alls ekki við það að mæta bara á fundi í Borgartúni 21,“ segir Magnús í skriflegu svari til DV.is.

Magnús segist hafa verið nokkra daga í Liverpool en þar hafa hann svo sannarlega ekki bara verið í fríi. „Ég vann satt að segja bara töluvert mikið í fjarvinnu og fór m.a. í nokkur viðtöl þennan tíma þarna úti. Að sjálfsögðu hefði ég aldrei farið ef boðaðir hefðu verið fundir og flogið heim um leið ef fundur hefði verið boðaður,“ segir Magnús um málið.

Viðræður um nýjan kjarasamning kennara hefur engan árangur boðið hingað.