Jadon Sancho kantmaður Chelsea er ekki á leið til Manchester United á nýjan leik þrátt fyrir að Erik ten Hag sé farin frá félaginu.
United lánaði Sancho til Chelsea í haust en bláa liðið í London þarf að kaupa Sancho næsta sumar ef liðið endar í efri hluta deildarinnar.
Sancho var á leið á Stamford Bridge á sunnudag en hann er meiddur og gat ekki tekið þátt í leik liðsins gegn Arsenal.
Þegar hann gekk á völlinn var Sancho spurður að því hvort hann gæti hugsað sér að snúa aftur til United.
„Chelsea út lífið,“ sagði Sancho þá og stuðningsmenn Chelsea sem voru í kring tóku í sama streng.
Myndbandið er hér að neðan.
Some fans met Jadon Sancho and asked him whether he is coming back to Manchester United. 🔴🔄 pic.twitter.com/Sp4larUwsj
— Football View Hub (@FootballViewHub) November 12, 2024
