Ryan Babel, fyrrum leikmaður Liverpool, hefur lagt skóna á hilluna 37 ára gamall en hann hefur sjálfur staðfest þær fregnir.
Um er að ræða fyrrum hollenskan landsliðsmann sem spilaði sinn síðasta landsleik fyrir um þremur árum.
Babel hefur ekki spilað fótbolta í um ár en hann var síðast á mála hjá Eyupspor í Tyrklandi.
Babel var opinn fyrir því að finna sér nýtt félag í sumar en eftir fá spennandi verkefni fóru skórnir á hilluna.
Vængmaðurinn lék með Liverpool frá 2007 til 2011 en á einnig að baki leiki fyrir lið eins og Ajax, Deportivo La Coruna, Besiktast, Fulham og Galatasaray.
