Chelsea rúllaði yfir andstæðinga sína í Sambandsdeildinni í kvöld en liðið spilaði við lið Noah frá Armeníu.
Chelsea var 6-0 yfir eftir fyrri hálfleikinn og var ljóst að gestirnir ættu aldrei roð í enska stórliðið í viðureigninni.
Chelsea bætti við tveimur mörkum í seinni hálfleik og hafði betur 8-0 og það mjög sannfærandi.
Næsti andstæðingur Víkings er einmitt Noah en íslenska liðið mun ferðast til Armeníu og fær þar útileik.
Önnur athyglisverð úrslit voru á boðstólnum í Sambandsdeildinni en Fiorentina tapaði til að mynda gegn APOEL frá Kýpur.
Albert Guðmundsson er leikmaður Fiorentina en hann er frá vegna meiðsla þessa stundina.
Lið Real Betis frá Spáni fékk lið Celje frá Slóveníu í heimsókn og lauk þeim leik með 2-1 sigri Betis þar sem sigurmarkið var skorað á 94. mínútu en Juanmi sá um það.
í Evrópudeildinni vann Manchester United lið PAOK 2-0 þar sem Amad Diallo skoraði tvennu fyrir heimaliðið frá Englandi.
Einnig í Evrópudeildinni komst Orri Steinn Óskarsson á blað en hann skoraði jöfnunarmark Real Sociedad gegn Viktoria Plzen.
Plzen vann þó þennan leik 2-1 þar sem sigurmarkið var skorað á 90. mínútu.
Jose Mourinho og hans menn í Fenerbahce töpuðu þá gegn AZ Alkmaar í Hollandi en þeirri viðureign lauk með 3-1 sigri þeirra hollensku.
