Viktor Unnar Illugason, aðstoðarþjálfari Vals verður áfram í starfi á næstu leiktíð. Frá þessu sagði hann í hlaðvarpinu Chess after Dark.
Rætt var um Gylfa Þór Sigurðsson leikmann Vals sem er að íhuga hvað skal gera, hann hefur hugsað um það að hætta en færist nær því að halda áfram. Hann er með samning við Val út næstu leiktíð.
„Maður hefur ekkert heyrt, maður bíður og vonar. Þetta er sturlaður leikmaður sem öll lið á Íslandi myndu vilja hafa sér. Hann er ekkert eðlilega mikill atvinnumaður,“ sagði Viktor Unnar í þættinum.
Viktor var spurður að því hvort það hefði verið erfitt fyrir Gylfa að aðlagast íslenskum bolta eftir að hafa verið atvinnumaður á hæsta stigi í næstum 20 árum.
„Ég er alls ekki að segja að menn í Val séu ekki að gera þetta vel, en fyrir hann sem er eins mikill atvinnumaður og þú verður. Mjög lengi á háu leveli, það var örugglega erfitt fyrir hann að koma heim og meðtaka hvernig þetta er hérna.“
„Hann var frábær í sumar þegar hann spilaði, hæstur í einkunn ef horft er í tölfræði. Maður sá nokkra leiki sem hann tók yfir, það kom ekkert á óvart hversu góður hann er.“
Viktor vonar að Gylfi haldi áfram. „Vonandi fyrir íslensku deildina heldur hann áfram.“
