Eitthvað virðist ganga á í lífi Alejandro Garnacho sóknarmanns Manchester United, færsla hans á Instagram vekur athygli.
Garnacho setti inn færslu þar sem maður labbar í myrkri og skrifar. „Gerum þetta persónulegt.“
Ekki er vitað hverju þetta tengist en Garnacho hefur fengið mikla gagnrýni eftir frammistöðu sína gegn Chelsea um síðustu helgi.
Hinn ungi sóknarmaður frá Argentínu fór illa með dauðafærin sín og var latur í varnarleiknum.
Fékk hann talsverða gagnrýni fyrir það en óvíst er hvort færslan tengist því.
