Roy Keane fyrrum fyrirliði Manchester United er harðhaus af gamla skólanum, hann var það sem leikmaður og virðist vera það utan vallar líka.

Keane er ekki vanur að ræða persónulega lífið sitt en hann gerði það á dögunum hjá The Tommy Tiernan Show.

Keane hefur verið giftur eiginkonu sinni Theresa og saman eiga þau fimm börn og þar af eru fjórar dætur.

„Það er frábært, þetta eru frábær börn. Mjög góð börn,“ sagði Keane þegar hann var beðin um að ræða fjölskyldu sína.

Allar fjórar dætur hans eru komin á þann aldur að eiga kærasta eða vera að spá í slíku. „Hvað er erfiðast? Þegar þær verða eldri þegar kærastar og svona koma til leiks. Það getur verið bras.“

Keane brosti svo af þessum ummælum sínum. „Þú yrðir mjög hissa af því hversu rólegur og þægilegur ég er heima, þetta er líklega eins fyrir alla,“ sagði Keane